|
|
|
 |
Darıxma! |
|
|
|
Haçansa qayıdıb gələcəyəm mən,
Bir daha danışıb-güləcəyəm mən,
Gözünün yaşını siləcəyəm mən,
Həsrətlə ağlama, həsrətlə baxma,
Sevgilim darıxma, gülüm darıxma!
Gözlərim dolubdur, dindirmə məni,
Nisgilli sözlərlə yandırma məni,
Qürurum sınmayıb, sındırma məni,
Onsuz da yıxılmış evimi yıxma,
Sevgilim darıxma, gülüm darıxma!
Bu dünya yamandır, çox qorxuludur,
Yaxşılıq bir zərrə, pislik doludur,
Sonuncu yolumuz ölüm yoludur,
Amandır, sən mənsiz bu yola çıxma,
Sevgilim darıxma, gülüm darıxma!
Uzaqda olsam da, yanındayam mən,
Fikrində, ruhunda, canındayam mən,
Lap sənin qəlbində, qanındayam mən,
Özünü ələ al, qəlbini sıxma,
Sevgilim darıxma, gülüm darıxma!
Geri qayıt
|
|
 |
|
|
|
|
